العُمر لحظات... لكن بعض اللحظات عمر

لحظات مساحة قصصية إنسانية. بنقعد مع ناس عندهم حكايات تستاهل تتحكي، وبنسيبهم يحكوا — من غير مقاطعة، ومن غير محاولة نطلّع منهم عنوان.

الحلقات بتركّز على اللحظات الفارقة والتجارب الحقيقية اللي شكّلت حياة الضيوف. مش سيرة ذاتية، ومش ترند. التركيز على الإنسان قبل الإنجاز.

أغلب ضيوفنا في السبعينات والتمانينات من عمرهم — وزراء وسفراء ومصورين وموسيقيين وصحفيين وأطباء. الناس دي شايلة ذاكرة مؤسسات وذاكرة بلد، والحكايات اللي عندها لو محدش سجّلها بتروح.